کارمرزی: یک برے بُنگال/ریشّگءَ مان کن، پدءَ گوں ھما ماناءَ کہ گالبندساچی کنگ لوٹ ئے، ھمائیءَ (کہ وند ءِ مانا/بُن ھیال بیت) یا بُن رھبندی تھر (چوش کہ رنگالی، نامگالی، جاورگالی۔۔۔ءُ) ءَ انگریزی یا بلوچی ءَ مان کن ءُ بٹنءَ بہ جن۔ گوں اے ماناءَ ھمینچو وند اَنت، مان کُرتگیں گال گوں دْرستاں کاینت، کجام دْروشم کہ تچک ءُ راست تر بوت ھمائی ءَ گچین کن ءُ بزور ۔ پہ درور منءَ چہ ”گال“ ءَ ”ناگال/بے گال“ جوڑ کنگی اِنت، بنگالءِ جاہءَ ”گال“ ءَ مان کناں ءُ وند ءِ مانا ءِ جاہءَ ”,not, none, without, نائی“ءَ مان کناں ، نوکیں گالبند”ناگال/نگال/بے گال۔۔۔۔ءُ“ ساچگ بیت۔ ھمے رنگ ءَ اگاں بُنگال/ریشّگ ءِ جاہ ءَ “گال” مان بہ کناں ءُ وند/گال/بُن رھبندی تھر ءِ جاہ ءَ بُن رھبندی تھر “جاورگالی/jáwargáli/adverb” ءَ مان بہ کناں ءُ بٹن ءَ بہ جناں، نوکیں گالبند “گالُکائی، گالُکانی۔۔۔۔” ساچگ بیت۔ اگاں وند/گال ءِ مانا/بُن ھیال/ بُن رھبندی تھر ءِ جاہ ءَ “بُن ھیال” ءِ ھساب ءَ “ھمرنگی/ھمگونی/یکدابی/تشبیھی/simile/similarity۔۔۔” ءَ نبشتگ بہ کنان ءُ بٹن ءَ بہ جناں، نوکیں گالبند “گالگونگ(گال گونگ)، گالچَک (گال چَک)۔۔۔۔ ءُ” ساچگ بیت۔ ھمے داب ءَ اگاں من وند/گال ءِ مانا/بن ھیال/ بن رھبندی تھر ءِ جاہ ءَ انگریزی وند anti- ءَ نبشتگ بہ کناں ءُ بٹن ءَ بہ جناں، نوکیں گالبند “پَت گال، پاگال۔۔۔۔” ساچگ بیت۔ بزاں گالبند ساچی ھم انگریزی وند، بلوچی یا انگریزی ءَ (وند ءِ) بُن ھیال یا بن رھبندی ھساب ءَ ھما تھر ءَ ماں بلوچی (چوش کہ رنگالی، جاورگالی، کارگری، نامگالی۔۔۔۔۔) یا انگریزی (چوش کہ noun, nominal, adjective….) نبشتگ کُرت کناں۔ ایش لاتینی/رومن بلوچی ءَ ھم نبشتگ بوت کن اَنت۔ زانگی انت کہ اے گچینی پہ ھما مردم ءُ ادارگاں جوڑینگ بوتگ کہ گال ءُ گالبندساچی ءِ رِپک ءُ داباں پہ جْوانی زان اَنت۔ لس مردم چریشی کارمرزی ءَ بِرّ ھم بوت کنت۔ پدّر انت کہ ھمک وند گوں ھمک گال ءَ نئیت، بلے وندے کہ گوں ھمے (بن ھیال/بن رھبندی تھر۔۔۔۔) مانا ءُ تھراں کَیت، بزاں پریشی ایشی ءِ کارمرزی درور بلوچی ءَ ھست اِنت، نوں چریشاں کجام وند کہ گوں مان کُرتگیں گال ءَ ٹھ اِیت گوں، ھما زورگ ءُ گچین کنگ بہ بیت۔